Այսօր ՀՀ վերաքննիչ դատարանը մերժեց «Ժամանակ» օրաթերթի («Սկիզբ Մեդիա կենտրոն» ՍՊԸ-ի) վերաքննիչ բողոքն ընդդեմ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի կայացրած վճռի՝ թողնելով այն նույնը: «Ժամանակ» օրաթերթը վերաքննիչ բողոք բերելու համար պետք է վճարի 6 հազար ՀՀ դրամ:

Հիշեցնենք, որ համաձայն վճռի «Ժամանակ» օրաթերթից հօգուտ հայցվորի պետք է բռնագանձվի 200 հազար դրամ՝ զրպարտության համար, 300 հազար դրամ՝ փաստաբանական ծառայությունների համար: «Ժամանակ» օրաթերթը պետք է նաև հերքի 2010 թվականի օգոստոսի 26-ին հրապարակած «1000 դոլար լռության դիմաց» հոդվածը: