Թուրքիայի արտաքին գործերի նախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։ Այդ մասին հայտարարել է Թուրքիայի արտաքին գործերի նախարարության մամուլի ծառայությունը։

Համաձայն թուրքական կողմի տարածած հաղորդագրության՝ ԱՄՆ պետքարտուղարը Ֆիդանին շնորհավորել է արտաքին գործերի նախարարի պաշտոնին նշանակվելու կապակցությամբ։

Հեռախոսազրույցի ընթացքում Միացյալ Նահանգների և Թուրքիայի արտաքին քաղաքական գերատեսչությունների ղեկավարները քննարկել են ՆԱՏՕ-ին Շվեդիայի անդամակցության, Թուրքիայի և Հայաստանի, ինչպես նաև Ադրբեջանի և Հայաստանի միջև հարաբերությունների կարգավորման, F-16-երի ձեռքբերման ու արդիականացման հարցերը, ինչպես նաև Ուկրաինայի հացահատկի գործարքը։ 

Ըստ այդ հաղորդագրության՝ Ֆիդանն ու Բլինքենը ընդգծել են, որ պատրաստ են հանդիպել որքան հնարավոր է արագ, որպեսզի քննարկեն հարցերը, որոնք գտնվում են երկկողմ հարաբերությունների օրակարգում։

Կոլաժը՝ TRT World-ից