Կիրիլ պատրիարքին արգելվել է մուտք գործել Էստոնիա։ Այդ երկիրը նրան ներառել է «Մագնիտսկու ցանկում»։ Այդ մասին թվիթերյան իր միկրոբլոգում հայտարարել է Էստոնիայի արտաքին գործերի նախարար Մարկուս Ցախկնան։ 

Պատրիարքից զատ, այդ ցանկում հայտնվել է ևս 57 մարդ, ներառյալ 9 անձ, որոնք կապ ունեն ռուսաստանցի ընդդիմադիր քաղաքական գործիչ Վլադիմիր Կարա-Մուրզայի դեմ քրեական գործի հետ։

I reimposed the #Magnitsky list, which bans 5⃣8⃣ people from entering #Estonia, incl. Patriarch Kirill & 9⃣ people who persecuted & imprisoned #humanrights advocate @vkaramurza.
Supporters of Russia’s abhorrent acts in #Ukraine 🇺🇦 & against their own people are not welcome in 🇪🇪.

— Margus Tsahkna (@Tsahkna) June 9, 2023

«Ուկրաինայում, ինչպես նաև սեփական ժողովրդի դեմ Ռուսաստանի նողկալի գործողությունների աջակիցները, չեն ողջունվում Էստոնիայում»,- գրել է Ցախկնան։ 

Կիրիլ պատրիարքը, որն աջակցում է Ուկրաինայում պատերազմին, արդեն իսկ գտնվում է Մեծ Բրիտանիայի, Լիտվայի, Կանադայի, Ուկրաինայի, Ավստրալիայի և Նոր Զելանդիայի պատժամիջոցների տակ։

Լուսանկարը՝ Sputnik / Сергей Пятаков