«Քաղաքացիական պայմանագիր» խմբակցության պատգամավոր Լիլիթ Մինասյանին մտահոգել է Թուրքիայի նախագահ Ռեջեփ Թայիփ Էրդողանի ասուլիսի այն հատվածը, որը վերաբերում է, այսպես կոչված, «Զանգեզուրի» միջանցքին: Վերջինս ասել է, թե «Զանգեզուրի միջանցքի» հարցով խնդիրը Հայաստանի հետ չէ, այլ՝ Իրանի: Պատգամավորը Կառավարության անդամների հետ հարցուպատասխանի ժամանակ Արտաքին գործերի նախարար Արարատ Միրզոյանից դիրքորոշում հարցրեց:

Արարատ Միրզոյանն ասաց, որ չի մեկնաբանի Թուրքիայի նախագահի հայտարարությունը հատկապես այն հատվածը, որը վերաբերում է երրորդ երկրներին և ինտեգրումներին: Սակայն «շատ լավ հնարավորություն» համարեց բարձրաձայնելու Հայաստանի դիրքորոշումը, որ ՀՀ-ն մեծապես շահագրգռված է տարածաշրջանում տրանսպորտային, տնտեսական ապաշրջափակմամբ:

«Ակնհայտ է, որ այդ ենթակառուցվածքները պետք է ապաշրջափակվեն մի քանի հայտնի սկզբունքների հիման վրա»,- ասաց Արարատ Միրզոյանը՝ հավելելով, որ ենթակառուցվածքները պետք է գտնվեն այն երկրների իրավազորության ներքո, որտեղով անցնում են և այլն:

Արարատ Միրզոյանի սուբյեկտիվ կարիծիքն այն է, որ ապաշրջափակման ուղղությամբ առաջընթաց կա, սակայն վերջնական արդյունք չկա, և այդ պատաճառով չեն կարող հանրայնացնել: