Մեծ Բրիտանիան հույս ունի, որ Հայաստանի ու Ադրբեջանի միջև կկնքվի «պատմական համաձայնագիր»։ Այդ մասին թվիթերյան իր միկրոբլոգում գրառում է արել Մեծ Բրիտանիայի Եվրոպայի հարցերով նախարար Լեո Դոքերթին։

«Մեծ Բրիտանիան հույս ունի, որ կհաջողվի պահպանել դինամիկան Հայաստանի և Ադրբեջանի միջև խաղաղության պատմական համաձայնագրի ճանապարհին»,- գրել է բրիտանացի նախարարը։

The UK hopes momentum can be maintained towards an historic peace agreement between Armenia and Azerbaijan.

This morning I spoke to Deputy Foreign Minister of @MFAofArmenia, @VahanKostanyan, about this as well as how the UK can support regional prosperity and security. pic.twitter.com/f0nLEihWsl

— Leo Docherty MP (@LeoDochertyUK) July 20, 2023

Նա նշել է, որ այդ թեմայով զրույց է ունեցել ՀՀ արտաքին գործերի նախարարի տեղակալ Վահան Կոստանյանի հետ։

«Խոսել եմ այս մասին, ինչպես նաև այն մասին, թե ինչպես կարող է Մեծ Բրիտանիան աջակցել տարածաշրջանային բարգավաճմանը և անվտանգությանը»,- նշել է Լեո Դոքերթին:

Մեծ Բրիտանիայի Եվրոպայի հարցերով նախարարը այս տարվա մայիսի վերջին ժամանել էր Երևան։ Նա հանդիպումներ էր ունեցել ՀՀ վարչապետ Նիկոլ Փաշինյանի, արտաքին գործերի նախարար Արարատ Միրզոյանի և Անվտանգության խորհրդի քարտուղար Արմեն Գրիգորյանի հետ։

Լուսանկարը՝ Vogue-ից