Հնդկաստանը հաջողությամբ իրականացրել է Արեգակի ուսումնասիրության Aditya-L1 ավտոմատ կայանի արձակումը։ Տիեզերական հետազոտությունների հնդկական կազմակերպությունը հայտարարել է, որ PSLV C57 (Polar Satellite Launch Vehicle) հրթիռ-կրիչը, որը տեղափոխում է ավտոմատ կայանը, արձակվել է Բենգալյան ծոցում գտնվող Շրիհարիկոտա կղզու վրա գտնվող ազգային տիեզերակայանից։ 

«Սարքավորումը արբանյակը հանել է ուղիղ նշված ուղեծիր։ Հնդկաստանի արեգակնային առաջին աստղադիտարանը իր ուղին է սկսել դեպի Արեգակ-Երկիր համակարգի L1 կետ»,- ասված է հաղորդագրության մեջ։

PSLV-C57/Aditya-L1 Mission:

The launch of Aditya-L1 by PSLV-C57 is accomplished successfully.

The vehicle has placed the satellite precisely into its intended orbit.

India’s first solar observatory has begun its journey to the destination of Sun-Earth L1 point.

— ISRO (@isro) September 2, 2023

L1-ը Երկրագնդից գտնվում է մոտ 1,5 միլիոն կիլոմետր հեռավորության վրա։ Կայանը մերձերկրային ուղեծրում պետք է մնա 16 օր, իսկ դրանից հետո, ևս 110 օր, շարժվի դեպի L1 կետ։ Եթե առաքելությունը հաջողվի, ապա կայանը կստանա Արեգակի անխափան ուսումնասիրության հնարավորություն։

Aditya-L1-ը Արեգակի ուսումնասիրության հնդկական առաջին առաքելությունն է։ Դրա հիմնական նպատակներն են Արեգակի քրոմոսֆերայի ու արևապսակի ուսումնասիրությունը, մագնիսական դաշտի ու մասնիկների հոսքի չափումը։ Ընդհանուր առմամբ՝ դրա վրա յոթ սարքավորում կա, որից չորսը նախատեսված են հեռազննման, իսկ երեքը՝ տեղում ուսումնասիրության համար։ 

Այս տարվա ընթացքում սա Հնդկաստանի երկրորդ տիեզերական առաքելությունն է։ Հուլիսի 14-ին դեպի Լուսին էր արձակվել «Չանդրայան-3» կայանը, որը կրում էր «Պրագյան» լուսնագնացը։ Օգոստոսի սկզբին այն դուրս էր եկել Լուսնի ուղեծիր։ Օգոստոսի 23-ին «Վիքրամ» վայրէջքի մոդուլը, որը կրում էր «Պրագյան» լուսնագնացը, հաջողությամբ վայրէջք կատարեց Լուսնի մակերևույթի վրա։ Վայրէջքը տեղի էր ունեցել Լուսնի հարավային բևեռի հատվածում, որը քիչ է ուսումնասիրված։

Լուսանկարը՝ economictimes.indiatimes.com-ից