Իշխանությունների կողմից ներկայում մատուցվող օրակարգով հնարավոր չէ փոփոխություններ ակնկալել։ «Հետքին» տված հարցազրույցում այս մասին ասաց «Ժողովրդավարական համախմբում» կուսակցության քաղաքապետի թեկնածու Սուրեն Պետրոսյանը։

Նրա խոսքով՝ գործող իշխանությունները հնարավոր բոլոր միջոցներով անզորություն և նվաստացում են քարոզում, և Սուրեն Պետրոսյանն ու «Ժողովրդավարական համախմբում» կուսակցությունը քաղաքացիներին կոչ են անում պայքարել դրա դեմ։ «Վերջին ժամանակահատվածում այդ օրակարգին զուգահեռ մեզ տրամադրվում է վախի և սարսափի մթնոլորտը, որտեղ մարդ գիտի, թե ինքը տոտալ տապալված է, որտեղ ինքը դերակատար չէ և իրենից ոչինչ կախված չէ»,- նշում է Սուրեն Պետրոսյանը։

Հայաստանում առկա խորքային ճգնաժամը հաղթահարելու համար «Ժողովրդավարական համախմբում» կուսակցության նախագահը առանձնացնում է երեք բաղադրիչ․ առաջին՝ հասարակության մեջ ամրապնդել այն գիտակցումը, որ սեփական ճակատագրի հիմնական դերակատարը միայն ինքն է, երկրորդ՝ զուգահեռ ձևավորել պայքարի կամք և ցանկություն, և երրորդ՝ ձևավորել ազգի հավակնությունները ապագայի նկատմամբ։ Ըստ Սուրեն Պետրոսյանի՝ առանց այս երեք բաղադրիչների անկախ պետությունը չի կարող գոյություն ունենալ։ 

Ամբողջական հարցազրույցը դիտե՛ք տեսանյութում։