Գորիսի դրամատիկական թատրոնի շենքում և հարակից հրապարակում տեղահանված արցախցիների թիվը կտրուկ նվազել է։ Տեղահանված քաղաքացիները արդեն միկրոավտոբուսներով են տեղափոխվում Հայաստանի տարբեր մարզեր։ Հիմնական ուղղությունները՝ Գեղարքունիքի, Կոտայքի և Տավուշի մարզեր։

Գորիսի հրապարակին հարող փողոցներում քիչ են մեքենաները, որոնց մեջ տեղահանվածներն են։

Եթե նախօրեին Գորիսի 2-րդ մանկապարտեզի դահլիճում հարյուրից ավել անձ է գիշերել, այսօրվա երկրորդ կեսին այնտեղ մի քանի ընտանիքի հանդիպեցինք։