Կառավարության դեկտեմբերի 7-ի նիստի օրակարգային չզեկուցվող հարցերից մեկը վերաբերում է Վայոց ձորի մարզպետին պաշտոնից ազատելուն։ «Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» օրենքի 6-րդ հոդվածի 1-ին մասով, 5-րդ մասի 1-ին կետով՝ Հայաստանի Հանրապետության կառավարությունը որոշում է Արարատ Գրիգորյանին ազատել Վայոց ձորի մարզպետի պաշտոնից»,- նշված է նախագծում։

Տարածքային կառավարման եւ ենթակառուցվածքների նախարար Գնել Սանոսյանը Կառավարության նիստում ասաց, որ Արարատ Գրիգորյանն ազատվում է իր դիմումի համաձայն։

Վայոց ձորի մարզպետի պաշտոնին կնշանակվի Կոլյա Միքայելյանը, որը ՀՀ ԱԱԾ Վայոց ձորի մարզային վարչության պետն է։

Լուսանկարը՝ Արարատ Գրիգորյանի ֆեյսբուքյան էջից