Հայաստանի ֆուտբոլի ֆեդերացիայի (ՀՖՖ) հերթական ժողովի ընթացքում տեղի կունենան ՀՖՖ նախագահի ընտրությունները։ 

ՀՖՖ նախագահի պաշտոնում առաջադրվել է երկու թեկնածու՝ ՀՖՖ գործող նախագահ Արմեն Մելիքբեկյանը և Հայաստանի ազգային հավաքականի նախկին ֆուտբոլիստ Արաս Օզբիլիզը։ Մելիքբեկյանի թեկնածությունն առաջադրել էր «Անի» ֆուտբոլային ակումբը, իսկ Օզբիլիզինը՝ «Ուրարտու» ֆուտբոլային ակումբը։

ՀՖՖ-ն ունի 25 անդամ, որոնք էլ կընտրեն ֆեդերացիայի նախագահին։
Հերթական 24-րդ ժողովին կարող եք հետևել ուղիղ հեռարձակմամբ։ Մեկնարկը նախատեսված է 13:00-ին։ Օրակարգում ընդգրկված է 14 հարց, ՀՖՖ նախագահի ընտրությունը 11-րդն է:

Մելիքբեկյանը ֆեդերացիայի նախագհ էր ընտրվել 2019 թվականի դեկտեմբերին՝ այս պաշտոնում փոխարինելով ԱԱԾ նախկին տնօրեն Արթուր Վանեցյանին։

Լուսանկարում ձախից՝ Արմեն Մելիքբեկյանը, աջից՝ Արաս Օզբիլիզը