ՌԴ Քննչական կոմիտեն հայտարարել է, որ վերջին տվյալներով, Մոսկվայի մարզի «Կրոկուս Սիթի Հոլ» համերգասրահում տեղի ունեցած ահաբեկչության հետևանքով զոհերի թիվը հասել է առնվազն 93-ի։

«Ներկա դրությամբ պարզվել է, որ զոհերի թիվը 93 է։ Զոհերի թիվը դեռ կավելանա։ Ըստ նախնական տվյալների՝ մարդկանց մահվան պատճառ են դարձել հրազենային վնասվածքները և այրվող նյութերից թունավորումը»,- հայտնել է ՌԴ ՔԿ-ն։

Ավելի վաղ Մոսկվայի մարզի Առողջապահության նախարարությունը հրապարակել էր համերգասրահում զոհերի ոչ ամբողջական ցանկը, որտեղ նշվում էր 37 մարդու անուն։

Լուսանկարը՝ РИА Новости / Максим Блинов