ԱՄՆ նախագահ Ջո Բայդենը կարծում է, որ Իսրայելի վրա Իրանի հարձակումն անհաջող էր, ինչը հաղթանակ է Հրեական պետության համար: Այդ մասին հայտնում է CNN-ը՝ հղում անելով իր աղբյուրներին։

Վերջինիս տվյալներով՝ Բայդենը Իսրայելի վարչապետ Բենյամին Նեթանյահուի հետ զրույցում հայտարարել է, որ գիշերվա հարձակման կանխումը Հրեական պետությունը կարող է հաղթանակ համարել, քանի որ Իրանի հարձակումն անհաջող էր: Բայդենը հավելել է, որ Իսրայելի գործողությունները ցույց են տվել այդ երկրի «գերազանցող ռազմական ներուժը»:

Ամերիկյան այս հեռուստաընկերությունը, հղում անելով Սպիտակ տան իր աղբյուրներին, հավելում է, որ Բայդենը Նեթանյահուի հետ հեռախոսազրույցի ընթացքում նաև հայտարարել է, որ Վաշինգտոնը չի մասնակցի Իրանի դեմ հարձակողական գործողություններին։

Լուսանկարը՝ Kyle Mazza/Getty Images