Այսօր` ժամը 17։40-ին, Մատենադարանի մոտից մեկնարկեց երիտասարդների մասնակցությամբ քայլերթը։ Նրանք Աբովյան փողոցով շարժվեցին դեպի Հանրապետության հրապարարակ, որտեղ ժամը 18։30-ին նախատեսված է «Տավուշը հանուն հայրենիքի» շարժման հանրահավաքը։ Հիշեցնենք, որ արդեն 4-րդ օրն է` Տավուշի թեմի առաջնորդ Տեր Բագրատ արքեպիսկոպոս Գալստանյանի գլխավորությամբ Երևանում տեղի են ունենում անհնազանդության ակցիաներ։ «Այսօր շատ կարևոր հանրահավաք է տեղի ունենալու, շատ կարևոր ուղերձներ են հնչելու»-, հայտարարել է Բագրատ Սրբազանը։