Օպերայի և բալետի ազգային ակադեմիական թատրոնի մոտակայքում ոստիկանության զորքերի տասնյակ մեքենաներ են կայանված։ Ոստիկանությունն այսօր առավոտից ուժեղացված ծառայություն է սկսել տեղանքում։ Ավելի վաղ ՆԳՆ տեղեկատվական կենտրոնից հայտնել էին, որ Ֆինանսների նախարարությունից ստացված հայտի հիման վրա այսօր՝ ժամը 15։00-ից 20։00-ն, սահմանափակվելու են երթևեկությունն ու քաղաքացիների տեղաշարժը։ 

Հիշեցնենք, որ այօր Ալ․ Սպենդիարյանի անվան օպերայի և բալետի ազգային ակադեմիական թատրոնում կայանալու է EBRD միջազգային ֆորումը։ Այս ֆորումին մասնակցելու է նաև Նիկոլ Փաշինյանը։ 

«Տավուշը հանուն հայրենիքի» շարժումը նույնպես ժամը 16։00-ին հայտարարել է Օպերայի բակում հանրահավաք անցկացնելու մասին։ Շարժման անդամները քաղաքի չորս տարբեր կետերից (Սարյանի անվան այգի, Կոնսերվատորիայի դիմացի այգի, Սուրբ Աննա եկեղեցու բակ, Հյուսիսային պողոտա) շարժվելու են դեպի Ազատության հարապարակ։