Գերմանիայում ընթացող ֆուտբոլի Եվրոպայի առաջնությունում գրանցվեց առաջին ոչ-ոքին․ «Շտուտգարտ Արենա» մարզադաշտում Սլովենիան ու Դանիան 1։1 խաղացին։

Հանդիպման հաշիվը 17-րդ րոպեին բացեց Դանիայի ընտրանու առաջատար Քրիստիան Էրիկսենը։ Երկրորդ խաղակեսի միջնամասում սլովենացիները մեծացրին ճնշումը մրցակցի դարպասին, որն էլ ի վերջ տվեց իր արդյունքը․ 77-րդ րոպեին Էրիկ Յանժան հավասարեցրեց հաշիվը։ Հանդիպման մնացած ժամանակահատվածում հաշվի մեջ փոփոխություն չեղավ։

Դանիայի և Սլովենիայի հետ C խմբում ընդգրկված Սերբիայի և Անգլիայի հանդիպումը կմեկնարկի այսօր՝ 23։00-ին։ 

Ավելի վաղ՝ այսօր կայացել էր նաև D խմբի մեկ հանդիպում, որում Նիդերլանդների հավքականը 2։1 հաշվով հաղթել էր Լեհաստանին։ 

Լուսանկարը՝ ՈՒԵՖԱ-ի