Այսօր` օգոստոսի 12-ին, ժամը 11-ին «Սինջար» եզդիների ազգային միավորում հասարակական կազմակերպության նախագահ Համլետ Սմոյանը ասուլիս էր հրավիրել Միավորված ազգերի կազմակերպության (ՄԱԿ) հայաստանյան գրասենյակի առջև։ Նա մտահոգություն հայտնեց Իրաքում եզդի ժողովրդին սպառնացող վտանգի կապակցությամբ՝ կապված Մոսուլի և Սիրիայի բանտերից «Իսլամական պետություն» ահաբեկչական  խմբավորման անդամների ազատ արձակման հետ, որոնք 2014-ին իրագործել են եզդիների ցեղասպանությունը։

Ըստ Համլետ Սմոյանի՝ եզդիների հանդեպ ատելության խոսքը շատ արագ տարածվում է լրատվամիջոցներում և սոցցանցերում։ Իրաքի փախստականների ճամբարում ապրող եզդի ժողովուրդը վախենում է նոր ցեղասպանությունից։ Համլետ Սմոյանը «Սինջար» հասարակական կազմակերպության անունից նամակ փոխանցեց ՄԱԿ-ի հայաստանյան գրասենյակին։ Մանրամասները՝ տեսանյութում։