Իրանը հրթիռային նոր հարձակում է սկսել Իսրայելի ուղղությամբ։ «Հետք»-ը հակիրճ ներկայացնում է այս պահի դրությամբ եղած տվյալները։

Հրթիռային հարված

• Իսրայելի բանակը հայտարարել է, որ Իրանը հրթիռային հարձակում է սկսել Հրեական պետության ուղղությամբ:
• Օդային տագնապ է հայտարարվել Իսրայելի ողջ տարածքում։
• Իսրայելի բնակչությանը հրահանգված է շտապ տեղափոխվել ապաստարաններ։ 
• The Jerusalem Post-ի տվյալներով՝ Իրանի կողմից Իսրայելի տարածքի ուղղությամբ արձակվել է շուրջ 400 հրթիռ։ 
• Իսրայելի ուղղությամբ արձակված իրանական հրթիռները մտել են Հորդանանի օդային տարածք: Այդ մասին հայտնել է Al Arabiya հեռուստաալիքը: Վերջինիս տվյալներով՝ Հորդանանի երկնքում մի քանի հրթիռ է խոցվել։

Նախադրյալներ

• Իսրայելի պաշտպանության բանակի պաշտոնական ներկայացուցիչ Դանիել Հագարին ավելի վաղ հայտնել էր, որ իսրայելցի զինվորականները ԱՄՆ-ից տեղեկատվություն են ստացել Իսրայելին հարված հասցնելու Իրանի հնարավոր մտադրության մասին:
• Նա հավելել է, որ Իրանի հարվածն Իսրայելին «հետևանքներ կունենա», իսրայելական բանակը պատրաստ է ինչպես պաշտպանական, այնպես էլ հարձակողական գործողությունների:
• Իսրայելի կենտրոնական հատվածի, այդ թվում՝ Թել Ավիվի բնակիչներին հրահանգվել է մոտ լինել ապաստարաններին։ 

Լուսանկարը՝ Jack Guez/AFP/Getty Images