Վրաստանի նախագահ Սալոմե Զուրաբիշվիլին դպրոցներին կոչ է արել միանալ երկրի գործող կառավարության դեմ բողոքի ակցիաներին: Այդ մասին նա գրառում է արել X-ի իր միկրոբլոգում։

«Համալսարաններից հետո հերթը դպրոցներինն է՝ համերաշխություն հայտնել Վրաստանի ողջ տարածքում տեղի ունեցող բողոքի ակցիաներին»,- նշել է նա։

#Georgiaprotests
After universities, it is the turn of schools to express their solidarity with the protests, all over Georgia

— Salome Zourabichvili (@Zourabichvili_S) December 2, 2024

Հարևան Վրաստանում արդեն հինգերորդ օրն է, ինչ ծայրահեղ լարված է։ Տասնյակ հազարավոր ցուցարարներ դուրս են գալիս մայրաքաղաք Թբիլիսիի և Վրաստանի մյուս քաղաքների փողոցներ՝ իրենց բողոքն արտահայտելու իշխանության ղեկին գտնվող «Վրացական երազանք» կուսակցության վարած քաղաքականության դեմ։ Այս բողոքի ակցիաների հիմնական պատճառը վարչապետ Իրակլի Կոբախիձեի մի քանի օր առաջ արած հայտարարությունն է այն մասին, որ Վրաստանը մինչև 2028 թվականը դադարեցնում է Եվրամիության հետ անդամակցության շուրջ բանակցությունները, ինչպես նաև համատեղ բոլոր ծրագրերը, այդ թվում` ԵՄ դրամաշնորհները։ 

Լուսանկարը՝ Վրաստանի նախագահի մամուլի ծառայության