Պետական իշխանության ամենաբարձր մակարդակով հայտարարում են, թե անձնուրաց պայքար են մղում կոռուպցիայի դեմ։ Այդ նպատակով օրենքներ են ընդունվում, կանոնակարգեր մշակվում, բայց միևնույն ժամանակ հանրությունը նկատում է հովանավորչության, ծանոթ-բարեկամներին արտոնություններ տալու տարատեսակ դրսևորումներ։

Մյուս կողմից լուրջ խնդիր է դարձել նաև շահերի բախման դրսևորումները։ Գնումների ոլորտում այն լայն տարածում ունի։ Փաստացի այն օրենքով ամբողջությամբ կարգավորված չէ։ Օրենքը նախատեսում է վարչական տուգանք, եթե պաշտոնյան շահերի բախման իրավիճակներում այդ մասին տեղեկություն չի փոխանցում վերադասին կամ դրա բացակայությամ դեպքում՝ Կոռուպցիայի կանխարգելման հանձնաժողովին։

Այս, ինչպես նաև պաշտոնյաների հայտարարագրերի, Հանձնաժողովի ծանրաբեռնվածության, կադրերի պակասի և այլ հարցերի մասին զրուցել ենք Կոռուպցիայի կանխարգելման հանձնաժողովի նախագահի պարտականությունները կատարող Մարիամ Գալստյանի հետ։