ՀՀ նախագահ Վահագն Խաչատուրյանի հրամանագրով՝ Հակոբ Սիմիդյանն ազատվել է Շրջակա միջավայրի նախարարի պաշտոնից։

«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի՝ Հակոբ Սիմիդյանին ազատել Շրջակա միջավայրի նախարարի պաշտոնից»,- նշվում է հրամանագրում։

Հիշեցնենք՝ Սիմիդյանն այս պաշտոնը զբաղեցնում էր 2021 թվականի դեկտեմբերից։

Նախագահի մեկ այլ հրամանագրով՝ Շրջակա միջավայրի նոր նախարար է նշանակվել Համբարձում Մաթևոսյանը։