Կա գրելու ժամանակ և լսելու ժամանակ, կա հորինելու ժամանակ և ուսումնասիրելու ժամանակ։ Ի՞նչ է փնտրում կոմպոզիտորը մեր օրերում և փոխակերպման ի՞նչ ճանապարհ է անցնում։ Այս հարցերի մասին ենք զրուցել կոմպոզիտոր, սաունդ արտիստ Վարդան Հարությունյանի հետ ու ծանոթացել նրա որոնումների ընթացքին։

«Զգացողություն կա, որ սա լսելու ժամանակաշրջան է, ոչ թե գրելու։ Մենք այնքան երկար ու շատ բերանը բաց արտահայտվել ենք, որ կարծես չենք հասցրել լսել»,- ասում է Վարդանը, ով ստեղծագործական ինչ-որ փուլից ընտրել է ավելի շատ ուսումնասիրելու, քան հորինելու ճանապարհը. լսել ձայնն այնպիսին, ինչպիսին որ կա՝ մինիմալ միջամտություններով։