Տեսանյութեր
Լուսանկարներ
«Լուսավոր Հայաստան» կուսակցությունը կմասնակցի 2026-ի ընտրություններին
Այսօր` դեկտեմբերի 13-ին, տեղի ունեցավ «Լուսավոր Հայաստան» կուսակցության հինգերորդ համագումարը։
Համագումարի ընթացքում ելույթ ունեցան կուսակցության փոխնախագահ Դավիթ Խաժակյանը և նախագահ Էդմոն Մարուքյանը։
Մարուքյանն իր ելույթում խոսեց վերջին շրջանում քաղաքական դաշտում քննարկվող գլխավոր թեմաներից, քննադատեց իշխանությանը` եկեղեցու նկատմամբ արշավ իրականացնելու համար։
Այնուհետև համագումարի մասնակիցները բաց քվեարկությամբ տվեցին իրենց համաձայնությունը, որ կուսակցության ղեկավարությունը սկսի պատրաստվել 2026-ի խորհրդարանական ընտրություններին։
«Այս պահից սկսած մենք կարող ենք հայտարարել, որ «Լուսավոր Հայաստան» կուսակցությունը մասնակցելու է սպասվող ԱԺ ընտրություններին»,- ասաց Մարուքյանը։
Մարուքյանը խոսեց իշխանություններին ընտրություններում հաղթելու իրենց ռազմավարության մասին։ Ըստ Մարուքյանի՝ ընդդիմադիր ուժերի առանձին-առանձին մասնակցությունը բերելու է ձայների փոշիացման, և իշխանությունը վերընտրվելու է։ Նա առաջարկեց, որ գաղափարպես իրար հարող ուժերը միավորվեն և դաշինքներով մասնակցեն ընտրություններին։
Մեկնաբանել