Ամերիկացի գրող Ռեյ Բրեդբերին նորեկներին խորհուրդ էր տալիս՝ գրել խանդավառությամբ, գրել էներգիայով, գրել այնպես, ինչպես ապրում են։ Եթե գրողը չունի zest (կենսական եռանդ) և gusto (ստեղծագործական կիրք, ոգևորությամբ անելու ձիրք), ապա տեքստը մեռած է։ Նրա համար «zest and gusto»-ն ստեղծագործողի օրենքն է։

2022թ.-ին Արեգենց ստեղծած երաժշտական խմբի անունն այստեղից է ծագում՝ Zestengusto։ Նրանք ստեղծագործում են ժանրերի խաչմերուկում՝ հիփ հոփ, R&B, ալտերնատիվ սոուլ, ֆանկ։ Խմբում երեքն են՝ Արեգ Գևորգյանը (վոկալ, բասկիթառ), Արման Մնացականյանը (հարվածային գործիքներ, բեկվոկալ) և Արման Փեշտմալջյանը (ստեղնաշարային գործիքներ)։ Պրոդյուսեր, խմբի խայթող տեքստերի հեղինակ Արեգ Գևորգյանի հետ խոսել ենք Zestengusto-ից։