Երեկ՝ համագումարով, այսօր՝ մարտի 15-ին, արդեն հայտարարությամբ է հանդես գալիս «Հայ ազգային կոնգրես» կուսակցությունը։ Համագումարում քննարկեցին կուսակցության ներքին կազմակերպչական հարցերը. ձևավորեցին աշխատանքային հանձնաժողովներ, պատրաստվում են կուսակցության ղեկավար մարմնի ընտրություններին։ Կուսակցության նախագահ վերընտրվեց Լևոն Տեր-Պետրոսյանը։

Հրապարակվեց նաև կուսակցության վարչության կազմը։

Համագումարին ներկա չէր կուսակցության նախագահ, Հայաստանի Հանրապետության առաջին նախագահ Լևոն Տեր-Պետրոսյանը։ Նա ուղերձ էր հղել մասնակիցներին՝ արտահայտելով իր հիացմունքը նրանց գործունեության վերաբերյալ։

Համագումարի ընթացքում ելույթով հանդես եկավ կուսակցության վարչապետի թեկնածու Լևոն Զուրաբյանը՝ քննադատելով ներկայիս իշխանություններին։

«Հայ ազգային կոնգրես» կուսակցության 5-րդ համագումարում ընդունվեց բանաձև, որում նշվում է, որ Հայաստանի առջև կանգնած են լուրջ անվտանգային և աշխարհաքաղաքական սպառնալիքներ՝ կապված 2020-ից հետո ստեղծված իրավիճակի հետ։ Փաստաթուղթը առաջարկում է պետությունը զարգացնելու կուսակցության ճանապարհային քարտեզը։

Ըստ ՀԱԿ բանաձևի՝ Հայաստանի անվտանգությունն ու տնտեսական զարգացումը պետք է ապահովվի տարածաշրջանային հաղորդակցությունների բացմամբ ու աշխարհաքաղաքական հավասարակշռությամբ։ Կուսակցությունը գտնում է, որ Արևմուտք-Արևելք աշխարհաքաղաքական հակամարտության մեջ Հայաստանը չպետք է անցնի որևէ մեկի կողմը։ Պետք է չեզոքություն պահպանի։

Զուգահեռ պետք է հետևենք տեխնոլոգիական զարգացմանն ու ստեղծենք տնտեսական մրցակցային պայմաններ բոլորի համար՝ անկախ քաղաքական հայացքներից, իշխանության կամ ընդդիմության մաս լինելուց։

Բանաձևը եզրափակվում է մյուս ընդդիմադիր ուժերի հետ համագործակցման պատրաստակամությամբ․

«Հայ ազգային կոնգրեսը միևնույն ժամանակ գիտակցում է, որ նշված նպատակների իրագործման համար անհրաժեշտ է բոլոր ազդեցիկ ժողովրդավարական, ռացիոնալ, իրատեսական քաղաքական ուժերի միավորումը։ Ուստի, հայտարարում ենք, որ պատրաստ ենք այդ նպատակով սկսել նման կոնսոլիդացիայի գործընթաց «Ուժեղ Հայաստան» կուսակցության և այլ ուժերի հետ միասին»։

«Ուժեղ Հայաստանն» ու այլ քաղաքական ուժեր նախօրեին ներկա էին համագումարին։ «Լուսավոր Հայաստան» կուսակցության նախագահ Էդմոն Մարուքյանը ելույթում խոսեց ընդդիմադիր ուժերի համագործակցության մասին։

Գլխավոր լուսանկարը՝ Լևոն Զուրաբյանի ֆեյսբուքյան էջից