Մանկությունը ռեժիսորի առաջին սցենարն է. այն գրվում է առանց գիտակցելու, հետո ամբողջ կյանքում վերարտադրվում է ֆիլմերում։ Հարություն Խաչատրյանի մանկությունն անցել է 60-ականների Ախալքալաքում։ «Զրույցներ Հետքում» շարքի հյուրը ռեժիսոր, վավերագրող, «Ոսկե ծիրան» կինոփառատոնի համահիմնադիր, Կինոգործիչների միության նախագահ Հարություն Խաչատրյանն է։ Ռեժիսորի հետ խոսել ենք իր անցած ճանապարհից՝ մանկությունից, ֆիլմերից, մերժումներից մինչև ճանաչում։