Տեսանյութեր
Լուսանկարներ
Վարչապետական նկրտումներ ԼՀԿ-ն չունի
Լուսավոր Հայաստան կուսակցությունը սկսել է ներկայացնել իր ցուցակը։ Այսօր տեղի ունեցած համագումարում Էդմոն Մարուքյանը հայտնել է, որ իրենք վարչապետ լինելու պայքարի մեջ չեն մտնում։
«Մենք ասում ենք՝ ժողովուրդ ջան, խորհրդարան է ձևավորվելու, լինելու են պատգամավորներ։ Որոշեք ինչպիսի պատգամավորներ եք ուզում ունենալ»,- նշել է Մարուքյանը։
Իսկ հանրապետության նախագահի պաշտոնում տեսնում են հոգևոր դասի ներկայացուցչի, օրինակ՝ Միքայել արք. Աջապահյանին։
- Էդմոն Մարուքյան
- Կարպիս Փաշոյան
- Շուշան Ավագյան
- Գևորգ Գորգիսյան
- Սուրեն Գյուրջինյան
Ցուցակն Էդմոն Մարուքյանն է գլխավորում։ Նա ԼՀԿ նախագահն է։ Եղել է 5-7-րդ գումարումների ԱԺ պատգամավոր, գործող վարչապետի հատուկ հանձնարարություններով նախկին դեսպան։ Սակայն վերջին մի քանի տարին դիրքավորվել է ընդդիմության դաշտում։ Նախորդ տարի ընդհուպ ընդդիմադիր «ՄԱՍԿ»-ի սկսած իմպիչմենտի վարչապետի թեկնածուն էր, սակայն հաջողություն չգրանցեց։
Շուշան Ավագյանը հակակոռուպցիոն փորձագետ է և քաղաքագետ։
Կարպիս Փաշոյանը լրագրող է, հրապարակախոս։ Վերջին ամիսներին վարում է սեփական յութուբյան էջը, հիմնական ժանրը՝ հարցազրույցներ։
Գևորգ Գորգիսյանը Ազգային ժողովի 6-րդ և 7-րդ գումարումների պատգամավոր է եղել։
Նախորդ ընտրությունների ցուցակի առաջին հնգյակից Դավիթ Խաժակյանը, Անի Սամսոնյանը, Արտյոմ Գեղամյանը չկան այս տարվա ցուցակի առաջին հնգյակում։
Մեկնաբանել