Այս տարվա հունիսի 7-ին կայանալիք խորհրդարանական ընտրությունների նախաշեմին քաղաքական ուժերը մրցում են նաև տնտեսական ծրագրերով։ Այս անգամ ևս տնտեսական խոստումների պակաս չկա։

Մեր հարցազրույցների միջոցով փորձելու ենք հասկանալ՝ ո՞վ ինչ է առաջարկում և որքանո՞վ են այդ խոստումները իրատեսական։ Այս անգամ զրուցել ենք ընտրություններին մասնակցող «Միասնության թևեր» կուսակցության կառավարման խորհրդի անդամ, նախընտրական ցուցակի 2-րդ հորիզոնականը զբաղեցնող Դավիթ Անանյանի հետ, որը 2018-2020 թթ. եղել է Հայաստանի պետական եկամուտների կոմիտեի նախագահը։