«Ոտքի վրա» շարքի հերթական թողարկմանը զրուցել ենք «Հայաստան» դաշինքի պատգամավորի թեկնածու Աննա Գրիգորյանի հետ։ Փորձել ենք պարզել, թե ի՞նչ է առաջարկում այս քաղաքական ուժը երիտասարդներին։

Քննարկված թեմաներն են՝

• պետական բուհերում անվճար բարձրագույն կրթության հնարավորություն,
• մարզային կյանքի ակտիվացում, սահմանամերձ բնակավայրերին աջակցություն և դպրոցների պահպանում,
• ակադեմիական քաղաք,
• մարզային բուհերի մասնաճյուղերի փակման հետևանքները,
• մարզերում աշխատող ուսուցիչների և դասախոսների համար արտոնությունների ներդրում,
• տնտեսության զարգացում և սոցիալական ծրագրերի ֆինանսավորման աղբյուրներ։

Աննա Գրիգորյանը ներկայացրել է կրթության վերաբերյալ «Հայաստան» դաշինքի մոտեցումները՝ ընդգծելով, որ պետական բուհերում բարձրագույն կրթությունը պետք է լինի անվճար։

Նա հիշեցրել է, որ ութերորդ գումարման խորհրդարանում «Հայաստան» դաշինքը քաղաքացիների բեռը թեթեւացնելուն ուղղված սոցիալական, հարկային օրենսդրության փոփոխություններ է առաջարկել, սակայն դրանք չեն ստացել իշխանությունների աջակցությունը։