«Ոտքի վրա» շարքի այս թողարկմանը զրուցել ենք «Ուժեղ Հայաստան» կուսակցության ընտրական ցուցակի առաջին համար Նարեկ Կարապետյանի հետ։ Փորձել ենք պարզել, թե ի՞նչ է առաջարկում այս քաղաքական ուժը երիտասարդներին։

Քննարկված թեմաներն են՝

• 300 հազար նոր աշխատատեղի ծրագիրը,
•  մասնագիտական և արդյունաբերական զբաղվածությունը,
•  կրթության բովանդակային փոփոխությունները և համապատասխանեցումը աշխատաշուկայի պահանջներին,
•  ակադեմիական քաղաք ծրագրի վերաբերյալ իրենց մոտեցումը,
•  երիտասարդների բնակապահովման ծրագրերը,
•  բազմազավակ ընտանիքների աջակցության մեխանիզմները։

Նարեկ Կարապետյանի խոսքով՝ առաջիկա հինգ տարիների ընթացքում հնարավոր է անցում կատարել գործնականում անվճար բարձրագույն կրթության համակարգի։ «Ուժեղ Հայաստան» դաշինքը այդ ժամանակահատվածում նախատեսում է ստեղծել շուրջ 300 հազար նոր աշխատատեղ, որոնց զգալի մասը՝ արդյունաբերության ոլորտում։ Թեկնածուի կարծիքով՝ կրթական համակարգը պետք է սերտորեն կապված լինի տնտեսության պահանջների հետ, որպեսզի բուհն ավարտելուց հետո երիտասարդները հնարավորինս արագ կարողանան աշխատանք գտնել։