Գյումրու 31/52 ընտրատեղամասում մարդկանց մեծ հոսքի պատճառով հերթ է գոյացել:

Ընտրատեղամասի հանձնաժողովի նախագահ Արմինե Աբրահամյանի խոսքով՝ տարածքում կուտակումներից և քաոսային իրավիճակից խուսափելու համար հերթը կարգավորում է հերթապահ ոստիկանը։

Հերթը մասամբ գոյացել է այն պատճառով, որ այս պահին երկու տեխնիկական նույնականացման սարքեր գործում է մեկը։ Ըստ հանձնաժողովի նախագահի՝ սպասարկող մասնագետներից մեկը գնացել է քվեարկելու։

Հերթի վերաբերյալ իր դժգոհությունն է հայտնել «Ուժեղ Հայաստան» կուսակցության վստահված անձը։

Ժամը 12:00-ի դրությամբ այստեղ քվեարկել է 346 ընտրող։ Ընտրատեղամասում ընտրողների ընդհանուր թիվը 1575 է։