***

Եվրոպական խորհրդի նախագահ Անտոնիու Կոշտան շնորհավորել է ՀՀ վարչապետ Նիկոլ Փաշինյանին։

The people of Armenia have voted for a future built on peace, stability and stronger cooperation with their neighbours and the world.

Congratulations to @NikolPashinyan on the results. You can be proud of your role in strengthening Armenia’s resilience, stability and prosperity.…

— António Costa (@eucopresident) June 8, 2026

«Հայ ժողովուրդը քվեարկել է խաղաղության, կայունության և հարևանների ու աշխարհի հետ ավելի ամուր համագործակցության վրա կառուցված ապագայի համար։ Շնորհավորում եմ Նիկոլ Փաշինյանին ընտրությունների արդյունքների առիթով։ Դուք կարող եք հպարտանալ Ձեր դերով Հայաստանի դիմադրողականության, կայունության և բարգավաճման ամրապնդման գործում։

Միասին ԵՄ-ն և Հայաստանը կառուցում են ավելի ամուր կապեր մարդկանց միջև և ստեղծում նոր հնարավորություններ էներգետիկայի, առևտրի և թվայնացման ոլորտներում։ Մեր ամուր գործընկերությունը ներդրում է ավելի խաղաղ և բարգավաճ ապագայի մեջ ամբողջ տարածաշրջանի համար»,- X-ի իր միկրոբլոգում գրել է Կոշտան

***

Էստոնիայի վարչապետ Կրիստեն Միխալը X-ի իր միկրոբլոգում շնորհավորել է Նիկոլ Փաշինյանին «Քաղաքացիական պայմանագիր» կուսակցության հաղթանակի կապակցությամբ։

Congratulations, Prime Minister @NikolPashinyan, on your election victory.

Armenia continues to choose Europe, and Estonia is proud to support your European aspirations. I look forward to working together on reforms, innovation, and a more secure Europe while building an even… pic.twitter.com/UsqUW8ZByt

— Kristen Michal (@KristenMichalPM) June 8, 2026

«Վարչապետ Նիկոլ Փաշինյան, շնորհավորում եմ ընտրություններում Ձեր հաղթանակի կապակցությամբ: Հայաստանը շարունակում է ընտրել Եվրոպան, և Էստոնիան հպարտ է աջակցել Ձեր եվրոպական ձգտումներին: Ակնկալում եմ համատեղ աշխատանք բարեփոխումների, նորարարությունների և առավել անվտանգ Եվրոպայի ուղղությամբ՝ միաժամանակ կառուցելով էլ ավելի ամուր գործընկերություն մեր երկրների միջև»,- գրել է Էստոնիայի կառավարության ղեկավարը։

***

Բելառուսի ընդդիմության առաջնորդ Սվետլանա Տիխանովսկայան միացել է Նիկոլ Փաշինյանին ուղղված շնորհավորանքներին։

Warm congratulations to PM @NikolPashinyan and the people of Armenia on yesterday’s election.

Democracy won. The 🇦🇲 people have chosen freedom and independence with courage and determination.

Belarusians stand with Armenia on its continued path toward a European future. pic.twitter.com/2u606ncV3R

— Sviatlana Tsikhanouskaya (@Tsihanouskaya) June 8, 2026

«Ջերմորեն շնորհավորում եմ վարչապետ Նիկոլ Փաշինյանին և Հայաստանի ժողովրդին երեկվա ընտրությունների կապակցությամբ։ Ժողովրդավարությունը հաղթեց։ Հայաստանի ժողովուրդը քաջությամբ և վճռականությամբ ընտրել է ազատությունն ու անկախությունը։ Բելառուսները կանգնած են Հայաստանի կողքին դեպի եվրոպական ապագա տանող նրա շարունակական ճանապարհին»,- գրել է Տիխանովսկայան։

***

Ֆրանսիայի նախագահ Էմանուել Մակրոնը ևս X-ի իր միկրոբլոգում շնորհավորել է Նիկոլ Փաշինյանին:

Toutes mes félicitations, cher @NikolPashinyan, pour cette large victoire aux élections législatives.

Je me réjouis de poursuivre à tes côtés le travail engagé pour renforcer encore nos coopérations au service de nos peuples, soutenir la paix et la souveraineté de l’Arménie,…

— Emmanuel Macron (@EmmanuelMacron) June 8, 2026

«Իմ ամենաջերմ շնորհավորանքները, թանկագի՛ն Նիկոլ Փաշինյան, խորհրդարանական ընտրություններում այս համոզիչ հաղթանակի կապակցությամբ: Ուրախ եմ քո կողքին շարունակել մեր սկսած աշխատանքը՝ էլ ավելի ամրապնդելու մեր համագործակցությունը՝ ի նպաստ մեր ժողովուրդների, սատարելու Հայաստանի խաղաղությանն ու ինքնիշխանությանը ու աջակցելու Եվրոպայի հետ մերձեցման դինամիկային»,- գրել է Մակրոնը:

***

Եվրոպական հանձնաժողովի նախագահ Ուրսուլա ֆոն դեր Լայենը շնորհավորել է Նիկոլ Փաշինյանին հաղթանակի կապակցությամբ։ 

Dear @NikolPashinyan, congratulations on your electoral victory.

The spirit of the Velvet Revolution you led in 2018 is alive and well.

We deeply value our partnership with a democratic Armenia that is drawing ever closer to Europe.

Armenia can count on us.

— Ursula von der Leyen (@vonderleyen) June 8, 2026

«Հարգելի՛ Նիկոլ Փաշինյան, շնորհավորում եմ Ձեզ ընտրություններում հաղթանակի կապակցությամբ։ 2018 թվականին Ձեր գլխավորած Թավշյա հեղափոխության ոգին կենդանի է և առողջ։ Մենք խորապես գնահատում ենք մեր գործընկերությունը ժողովրդավարական Հայաստանի հետ, որն ավելի ու ավելի է մոտենում Եվրոպային։ Հայաստանը կարող է հույս դնել մեզ վրա»,- X-ի իր միկրոբլոգում գրել է եվրոպացի պաշտոնյան։

***

Լատվիայի նախագահ Էդգարս Ռինկևիչսը X-ի իր միկրոբլոգում գրառում է արել, որտեղ շնորհավորել է Նիկոլ Փաշինյանին խորհրդարանական ընտրություններում հաղթանակի կապակցությամբ։

Congratulations, Prime Minister @NikolPashinyan, on your resounding electoral victory!

Armenia has chosen its own democratic path despite threats and intimidation.

Latvia stands firmly with you and supports ever closer relations between Armenia and the European Union. pic.twitter.com/5iw2A7nWrW

— Edgars Rinkēvičs (@edgarsrinkevics) June 8, 2026

«Շնորհավորում եմ, վարչապետ Նիկոլ Փաշինյան, քո հնչեղ ընտրական հաղթանակի կապակցությամբ։ Հայաստանն ընտրել է իր սեփական ժողովրդավարական ուղին՝ չնայած սպառնալիքներին և ահաբեկմանը։ Լատվիան ամուր կանգնած է ձեր կողքին և աջակցում է Հայաստանի ու Եվրոպական միության միջև առավել սերտ հարաբերություններին»,- գրել է Ռինկևիչսը։

Լուսանկարը՝ Նարեկ Ալեքսանյանի/Հետք