Հակակոռուպցիոն դատարանը, նախագահությամբ դատավոր Սարգիս Պետրոսյանի, «Մարտի 1»-ի գործով անցնող պաշտպանության նախկին նախարար Սեյրան Օհանյանին բերման ենթարկելու որոշում է կայացրել։ Այս մասին «Հետքին» հայտնեց Հակակոռուպցիոն դատարանի խոսնակ Արմինե Նովրուզյանը։

«Մարտի 1-ի» գործով այսօրվա նիստին չի ներկայացել, դատարանը որոշում է կայացրել, որ հաջորդ դատական նիստին իրեն հարկադրաբար ներկայացնեն դատարան»,- նշեց նա։

Իսկ գործով հաջորդ նիստը տեղի կունենա հունիսի 19-ին՝ ժամը 10։00-ին։

Հիշեցնենք, որ Սեյրան Օհանյանը մեղադրվում է 2008 թվականին ՀՀ պաշտպանության նախարարության զինված ուժերի գլխավոր շտաբի պետի պաշտոնը զբաղեցնելու ընթացքում՝ այլ անձանց հետ համաձայնությամբ, ՀՀ սահմանադրական կարգը տապալելու մեջ։