Իսրայելի կառավարությունը հավանություն է տվել Օսմանյան կայսրությունում 20-րդ դարի սկզբին հայերի զանգվածային մահվան պատճառ դարձած իրադարձությունների ցեղասպանություն ճանաչող բանաձևին: Նման հայտարարություն է արել Իսրայելի արտաքին գործերի նախարար Գիդեոն Սաարը, որը մի քանի օր առաջ հանդես էր եկել համապատասխան նախաձեռնությամբ։ Կառավարության որոշումը պետք է վավերացվի նաև Կնեսետի՝ Իսրայելի խորհրդարանի կողմից։ 

«Իսրայելի կառավարությունը հաստատել է այսօր իմ կողմից ներկայացված հայոց ցեղասպանությունը ճանաչող բանաձևի նախագիծը»,- Իսրայելի ԱԳՆ տարածած տեսաուղերձում նշել է Սաարը։

Նրա խոսքով՝ «ավելի քան 100 տարի առաջ տեղի ունեցած այս սարսափելի ցեղասպանությունը, որի մասին պատմական փաստերը իրական վեճեր չեն առաջացնում, հանգեցրել է 1,5 մլն մարդու սպանության և հնագույն մշակութային ու պատմական ժառանգության ոչնչացման»։ 

It's never too late to do the right thing.

I thank @IsraeliPM Netanyahu for his support, and the government ministers for their unanimous approval of the resolution I initiated for Israel's recognition of the Armenian Genocide.

Thus, Israel joins 32 countries that have… pic.twitter.com/SHZ5v58U6G

— Gideon Sa'ar | גדעון סער (@gidonsaar) June 28, 2026

Իսրայելի արտաքին քաղաքական գերատեսչության ղեկավարը շնորհակալություն է հայտնել վարչապետ Բենիամին Նեթանյահուհին և ընդգծել կառավարության նախարարների կողմից աջակցությունը։ 

«Իմ կարծիքով, այս որոշման ընդունումը, որը մենք այսօր հաստատել ենք, մեր բարոյական պարտականությունն է որպես հրեա և, իհարկե, որպես հրեա ժողովրդի պետություն»,- ասել է Իսրայելի արտաքին գործերի նախարարը:

Հայոց ցեղասպանության ճանաչման հարցը բազմիցս քննարկվել է Իսրայելում, սակայն մինչ օրս այն չէր դարձել երկրի կառավարության պաշտոնական դիրքորոշումը։ 2016 թվականին Իսրայելի խորհրդարանի՝ Կնեսետի կրթության հանձնաժողովը, հանդես եկավ Հայոց ցեղասպանությունը ճանաչելու հայտարարությամբ։ 2018 թվականի մայիսին, Իսրայելի և Թուրքիայի միջև հարաբերությունների սրման պայմաններում, Կնեսետի լիագումար նիստը հավանություն տվեց Հայոց ցեղասպանության ճանաչման հարցը քննարկման և քվեարկության դնելուն։ Այդուհանդերձ, Իսրայելի կառավարությունը մինչ օրս պաշտոնապես չէր ճանաչել Հայոց ցեղասպանությունը։

Լուսանկարը՝ Հայոց ցեղասպանության թանգարան-ինստիտուտի արխիվից