Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:

Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Երևանի քաղաքապետի նախկին տեղակալ, ՀՀ ԿԱ անշարժ գույքի կադաստրի պետական կոմիտեի նախագահի նախկին տեղակալ Կարեն Դերենիկի Դավթյանից և նրան փոխկապակցված անձանցից հօգուտ Հայաստանի Հանրապետության բռնագանձել՝

• 14 անշարժ գույք, որոնցից 9-ը գտնվում են Երևան քաղաքի Կենտրոն վարչական շրջանում, 
• Երևան քաղաքի Կենտրոն վարչական շրջանում գտնվող 1 անշարժ գույքի գնման իրավունք,
• 8 տրանսպորտային միջոց,
• 10 իրավաբանական անձանցում մասնակցություն,
• 105 միլիոն 171 հազար դրամ՝ որպես ապօրինի դրամական միջոցների մնացորդ,
• 124 միլիոն դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել։
  

Հիշեցնենք, որ Կարեն Դավթյանը «Պալլադա Ծաղկաձոր» բազմաֆունկցիոնալ համալիրի կառուցապատումն իրականացնող «Պալլադա Ծաղկաձոր» ՍՊԸ-ի հիմնադիր բաժնետերերից էր՝ 25% բաժնեմասով։ Ընկերությունը 2022 թ․ հիմնադրել էին Ռոբերտ Գալուստյանը, Կարեն Դավթյանը, Լևան Չիկովանին և Էդգար Ավագյանը։ Վերջինս ԱԺ նախագահ Ալեն Սիմոնյանի ընկերն ու նրա որդու կնքահայրն է։ 2023-ին Դավթյանն իր բաժնեմասը փոխանցել է իրեն փոխկապակցված անձի՝ Գեղամ Կիրակոսյանին։ «Հետքը» պարզել էր, որ Ծաղկաձորում 40-50 մլն դոլար գնահատվող համալիը կառուցվում էր խախտումներով։

• Կնքահայրը․ Ալեն Սիմոնյանի որդու սնանկացած քավորը 40 մլն դոլարանոց համալիրի փայատեր է