Երևանի բազմաբնակարան բնակելի շենքերում առնետների ոչնչացման ուղղությամբ անհրաժեշտ միջոցներ են ձեռնարկվելու՝ օգտագործելով նոր դեղամիջոցներ: Այս մասին նշվել է այսօր՝ քաղաքապետարանում անցկացված խորհրդակցության ժամանակ:

Առողջապահության վարչության աշխատակիցները առողջապահության նախարարության հիգիենիկ-հակահամաճարակային ծառայության հետ համատեղ ստուգայցեր են իրականացրել համապատասխան ծառայություններ մատուցող ընկերություններ՝ արտոնագրերի, ինչպես նաև գրավչանյութերի պատրաստման և պահպանման մեթոդներին ծանոթանալու նպատակով:

Զուգահեռաբար համատիրությունների հետ համատեղ ուսումնասիրություններ են կատարվել նաև վարչական շրջանների մի շարք բազմաբնակարան շենքերում՝ համապատասխան ընկերության հետ պայմանագրերի առկայությունը ճշտելու նպատակով: