Ապրիլ 25-29, 2013

Դոկումենտալ ֆոտոյի զարգացման 4 Պլյուս կենտրոնը հրավիրում է ֆոտոլրագրության մեջ առաջին քայլերն անող լուսանկարիչներին մասնակցելու ֆոտոլրագրող, Վորլդ պրես ֆոտոյի մրցանակակիր Էրիկ Գրիգորյանի մասնակցությամբ դասընթացին:

Դասընթացը նախատեսված է ֆոտոլրագրության/դոկումենտալ ֆոտոյի կամ լուսանկարչության բնագավառում երկու տարվա կամ պակաս փորձով, լուրերով, վավերագրական ֆոտոնախագծերով կամ փողոցային լուսանկարչությամբ (street photography) հետաքրքրվողների համար:

Ֆոտոլրագրողները պատկերների միջոցով են պատմում պատմությունները: Նրանց պարտականությունը իրականությունը վիզուալ պատկերի միջոցով ներկայացնելն է:

Քառօրյա դասընթացի նպատակը լուսանկարիչներին հուզող մի շարք հարցերի պատասխանները տալն է` ինչպե՞ս սկսել, ինչպե՞ս կառուցել ճշգրիտ կոմպոզիցիա, ինչպե՞ս ճշմարիտ տեղեկատվություն հաղորդել ֆոտոյի միջոցով (էթիկա), ինչպե՞ս ներկայացնել պատմությունը մեկ կամ մի քանի ֆոտոների միջոցով (ֆոտոպատմություն), ի՞նչ լուսանկարներ ընդգրկել պորտֆոլիոյում, ինչպե՞ս տարածել աշխատանքը:

Դասընթացին մասնակցելու համար պետք է ուղարկել առավելագույնը 12 նկար (ֆոտոպատմություն կամ առանձին լուսանկարներ) յուրաքանչյուրը ոչ մեծ քան 2 ՄԲ, ինչպես նաև մոտիվացիոն նամակ (ոչ ավելի քան 500 բառ)` ներկայացնելով փորձը ֆոտոլրագրության բնագավառում, կրթությունը և, որ ամենակարևորն է, դասընթացին մասնակցելու շարժառիթը:

Դիմումները կարելի է ուղարկել 4plusphoto@gmail.com հասցեին մինչև 2013 թ. ապրիլի 15-ը ներառյալ` վերնագրութմ նշելով Workshop with Erik Grigorian:

Դասընթացն անվճար է, աշխատանքային լեզուն անգլերենն է` հայերեն թարգմանությամբ:

4+-ը հայ ֆոտոլրագրողների ու դոկումենտալ լուսանկարիչների նախաձեռնություն է, որի նպատակը Հայաստանում ֆոտոլրագրության ու դոկումենտալ լուսանկարչության զարգացումն է, ինչպես նաև ոլորտում խնդիրների բարձրաձայնումը, ԶԼՄ-ներում լուսանկարների կարևորումը:

Դասընթացն իրականացվում է Բաց հասարակության հիմնադրամներ-Հայաստան կազմակերպության ֆինանսական աջակցությամբ:

Հավելյալ տեղեկությունների համար կարող եք զանգահարել +374 93 207 417, +374 98 08 66 09 կամ գրել [email protected] էլ-փոստի հասցեին: