HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Հովիկ Աբրահամյանը չբացառեց երկխոսության շարունակությունը

ԱԺ նախագահ Հովիկ Աբրահամյանը լրագրողների հետ զրույցում ասաց, որ ինքը տեղյակ չէ վաղը Ազատության հրապարակում նախագահի նախկին թեկնածու Րաֆֆի Հովհաննիսյանի կազմակերպած արարողությունից:

Ինչ վերաբերում է վաղը մարզահամերգային համալիրում նախագահի երդման արարողությանը Րաֆֆի Հովհաննիսյանին հրավիրելուն, ապա նշեց, որ չեն հրավիրել, քանի որ վերջինս գտնում է, թե երկրի նախագահ ընտրվել է ինքը, այլ ոչ Սերժ Սարգսյանը:

Իսկ Սերժ Սարգսյանը կմասնակցի՞ Րաֆֆի Հովհաննիսյանի երդման արարողությանը: Հարցի առնչությամբ Հ. Աբրահամյանը նկատեց. «ՀՀ նախագահ է վերընտրվել Սերժ Սարգսյանը: Ես այլոց դատարկ խոսակցություններին չեմ ուզում պատասխանել»:

ԱԺ նախագահը չբացառեց, որ հնարավոր է Սերժ Սարգսյանի ու Րաֆֆի Հովհաննիսյանի միջեւ երկխոսությունը շարունակվի:

«Երկխոսությունը միշտ պետք է լինի շարունակական եւ որքան քաղաքական ուժերը երկխոսեն, այնքան կշահի ժողովուրդը, պետությունը: Ես կարծում եմ, որ երբեք չի ավարտվում, չի սպառվում երկխոսությունը»,- ասաց Հովիկ Աբրահամյանը:

Նրան դուր չեկավ լրագրողների այն հարցը, թե նախագահի երդման արարողությանը մասնակցելո՞ւ է ԲՀԿ խանագահ Գագիկ Ծառուկյանը: Նա հորդորեց նման հարցերով դիմել հենց Գագիկ Ծառուկյանին. «Գագիկ Ծառուկյանի հետ կապված հարցերով ինչո՞ւ եք ինձ դիմում»:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter