HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Կառավարության քաղաքականությունը չի փոխվի. Տիգրան Սարգսյանը նորից վարչապետ է

Քիչ առաջ ավարտվեց նախագահ Սերժ Սարգսյանի գլխավորությամբ անցկացված ՀՀԿ գործադիր մարմնի եւ դրան հաջորդած ՀՀԿ խորհրդի նիստերը:

Նախագահը խորհրդի անդամներին է ներկայացրեց վարչապետի թեկնածուին: ԱԺ խմբակցությունների հետ խորհրդակցություններից հետո այդ պաշտոնում կնշանակվի Տիգրան Սարգսյանը: Այս մասին «Հետքին» տեղեկացրեց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը:

Նրա ասելով` «հույս ունեն, որ Տիգրան Սարգսյանի գլխավորությամբ ձեւավորված կառավարությունը նոր եռանդով ու էներգիայով կաշխատի: Բոլոր դժվարություններով հանդերձ՝ Տիգրան Սարգսյանի կառավարության առջև դրված էր ապահովել 7%-անոց աճ, եւ այդ խնդրի լուծումն իրագործվեց»: 

Թեեւ վարչապետի նշանակումից 20 օրվա ընթացքում է ձեւավորվում կառավարության նոր կազմը, սակայն այսօր Սերժ Սարգսյանն առաջարկել է իրենց պաշտոններում թողնել ԱԳ նախարար Էդվարդ Նալբանդյանին եւ պաշտպանության նախարար Սեյրան Օհանյանին։ Կառավարության մյուս անդամների անունները հայտնի կդառնան առաջիկայում:

Քաղաքական շրջանակներում շատերը հույս ունեին, որ նախագահը վերջին պաշտոնավարման շրջանը կսկսի նոր վարչապետով, ով կկարողանա հնարավորինս բավարարել քաղաքացիների դժգոհությունները եւ մեղմել հարկային քաղաքականությունը, ավելի շեշտադրել սոցիալ-տնտեսական հարցերը:

Տիգրան Սարգսյանի վերանշանակումը այդ պաշտոնում ցույց է տալիս, որ կառավարությունը շարունակելու է անցած 5 տարիների նույն գործելաոճը, ինչից դժգոհ է քաղաքացիների մեծամասնությունը:

Մեկնաբանություններ (3)

sam
xaytarak exanq.norits kunenanq suti tntesakan ach ev ahreli artagaxt
Գևորգ
Ոչ ոք չի խղճում հայ ժողովրդին:
Anahit
Տիգրան Սարգսյան, նորից վարչապետ դառաք, որ ի՞նչ անեք

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter