![](/static/articles/02/57/43/l-wVTvFuFwja.jpg)
Կենտրոնական բանկում հոգում են 26 աշխատակցի բջջային հեռախոսակապի ծախսերը
Տես` Ինչպես են փոշիացվում պետական միջոցները. Կենտրոնական բանկ (մաս 1)
Ծառայողական նպատակներով օգտագործվող կապի միջոցների հետ կապված ծախսեր՝ 58 միլիոն 234 հազար դրամ:
Կենտրոնական բանկում առկա է 88 քաղաքային հեռախոսագիծ, որոնց միայն բաժանորդավճարը տարեկան կազմում է 5 միլիոն 280 հազար դրամ:
ԿԲ-ում նախատեսել են, որ այս տարվա ընթացքում աշխատակազմը կատարելու է 16 միլիոն 896 հազար դրամի միջքաղաքային զանգեր: 2012թ. արդյունքներից ելնելով` 1 հեռախոսի միջին վճարը ամեն ամիս կազմում է 16 հազար դրամ:
Ինչ վերաբերում է ներքաղաքային խոսակցություններին, ապա նախատեսվում է, որ այս ուղղությամբ ԿԲ-ից կկատարվի 11 միլիոն 239 հազար դրամի հեռախոսազանգ:
Պարզվում է, ԿԲ-ում 1 հեռախոսով օրական միջինը խոսում են 104 րոպե:
Կենտրոնական բանկում ուղիղ կապով շահագործվում է 5 հեռախոսակապ, որոնց տարեկան ծախսը կազմում է 240 հազար դրամ: Իսկ բջջային հեռախոսակապի համար ծախսը կազմելու է 6 միլիոն 174 հազար դրամ:
ԿԲ-ն վճարելու է 26 աշխատակցի բջջային հեռախոսակապի ծախսերը:
1 x 80.000 դր. x 12 ամիս = 960.000 դրամ
1 x 40.000 դր. x 12 ամիս = 480.000 դրամ
1 x 20.000 դր. x 12 ամիս = 240.000 դրամ
4 x 20.000 դր. x 12 ամիս = 960.000 դրամ
19 x 15.500 դր. x 12 ամիս = 3.534.000 դրամ:
Վարչական նպատակներով իրականացվող կապիտալ ներդրումներ՝ 111 միլիոն դրամ
2013թ կենտրոնական բանկը նախատեսում է ձեռք բերել 6 ավտոմեքենա՝ ԿԲ նախագահի տեղակալի եւ խորհրդի անդամների համար: Համաձայն բանկում գործող քաղաքականության, ավտոմեքենաները պետք է նորացվեն 5 տարին մեկ անգամ:
Ըստ ԿԲ-ի` ավտոմեքենաները շահագործվում են 2004թ.-ից մինչ օրս: 6 ավտոմեքենաներից յուրաքանչյուրը գնելու են 14 միլիոն 500 հազար դրամով, ինչպես նաեւ մեկ միկրոավտոբուս` 24 միլիոն դրամ արժեքով:
Այլ ծախսեր
Համակարգչային տեխնիկայի եւ հարակից սարքավորումների գծով կապիտալ ներդրումներն այս տարվա համար պլանավորվել է՝ 477 միլիոն 188 հազար դրամ, իսկ ցանցային սարքավորումների գծով կապիտալ ներդրումները` 136 միլիոն 588 հազար դրամ:
Տեղեկատվական անվտանգության ծրագրաապարատային միջոցների համար կծախսվի 31 միլիոն 860 հազար դրամ:
Կենտրոնական բանկի բնականոն գործունեությունը ապահովելու նպատակով անհրաժեշտ այլ հիմնական միջոցներ, մասնավորապես՝ կապի միջոցներ, պատճենահանող սարքեր, թուղթ ոչնչացնող սարքեր, տնտեսական գործիքներ եւ այլ հիմնական միջոցներ ձեռք բերելու համար 2013թ. նախատեսված է 160 միլիոն 833 հազար դրամ:
Կենտրոնական բանկը այլ ծախսեր եւս նախատեսել է:
Մեկնաբանել