Մալաթիա-Սեբաստիա համայնքի 7/15 ընտրատեղամասի հարակից տարածքում տեղակայված  ՀՀԿ և ԲՀԿ շտաբերը շրջապատված  են սևազգեստ երիտասարդներով, ջիպերով  ու տարբեր մակնիշի թանկարժեք մեքենաներով: Ընտրատեղամասի բակում  գտնվող  երկու ոստիկաններից  փորձեցինք  պարզել,  թե ինչու չեն փորձում վերացնել կուտակումը, քանի որ  օրենքով սահմանված է, որ  50 մետր շառավղով իրավունք չունեն կուտակվելու:  Ոստիկանները պատասխանեցին, որ իրենք նման բան չգիտեն, իսկ շտաբերի մոտ հավաքվածներն էլ կուտակում չի, իրենք էլ իվիճակի չեն շտաբերը փակել:

Տարիքով մարդիկ, բնակիչները մտնում են շտաբ, հետո նոր բարձրանում են քվեարկության: Տղաները հատ-հատ բարձրանում են դռան մոտ, խորհրդակցում են Սևիլ Պապոյանի հետ, ով ներկայանում է որպես անկուսակցական, հետո իջնում շտաբ ու ուղեկցում բնակիչներին:

Անի Ասատրյան