HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Հայտնի է կառավարության կազմը. փոխվել է 3 նախարար

Քիչ առաջ ՀՀԿ-ի կենտրոնական գրասենյակում ավարտվել է կուսակցության խորհրդի եւ գործադիր մարմնի նիստերը, որոնց աշխատանքներին մասնակցել են ՀՀ եւ ՀՀԿ նախագահ Սերժ Սարգսյանը, ԱԺ նախագահ Հովիկ Աբրահամյանը, վարչապետ Տիգրան Սարգսյանը եւ այլք:

ՀՀԿ մամուլի խոսնակ, ԱԺ փոխնախագահ Էդուարդ Շարմազանովը «Հետքին» տեղեկացրեց, որ վարչապետ Տիգրան Սարգսյանը հանրապետության նախագահին ներկայացրել է կառավարության նոր կազմը` ընդամենը երեք նախարարի փոփոխությամբ:

Ֆինանսների նախարար Վաչե Գաբրելյանին կփոխարինի ՀՀ կառավարության աշխատակազմի ղեկավար Դավիթ Սարգսյանը, սպորտի եւ երիտասարդության հարցերի նախարար Հրաչյա Ռոստոմյանին` ՀՀ նախագահի խորհրդական Յուրի Վարդանյանը, իսկ էկոնոմիկայի նախարար Տիգրան Դավթյանին կփոխարինի միջազգային փորձագետ, 1998-1999թթ տնտեսական եւ կառուցվածքային բարեփոխումների նախարար Վահրամ Ավանեսյանը:

Մյուս նախարարները կշարունակեն պաշտոնավարել նույն պաշտոնում: Էդուարդ Շարմազանովի փոխանցմամբ` Վաչե Գաբրելյանը մնալու է կառավարության կազմում: Նա լինելու է կառավարության աշխատակազմի ղեկավարը` նախարարի գործառույթներով: ՕԵԿ-ը շարունակելու է մնալ ՀՀԿ-ի կոալիցիոն գործընկերը եւ կպահպանի 3 նախարական պորտֆելը:

Ավելի վաղ արտաքին գերծերի եւ պաշտպանության նախարարներ էին վերանշանակվել Էդվարդ Նալբանդյանն ու Սեյրան Օհանյանը:

Նշենք, որ Սահմանադրության 55-րդ հոդվածի համաձայն` վարչապետի առաջարկությամբ հանրապետության նախագահն է նշանակում եւ ազատում կառավարության անդամներին:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter