HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լեւոն Հայրապետյան

Ներսես Երիցյանին պետք է պարտադրել երեք տարի աշխատեցնել բիոզուգարանները

Վերջապես «Հետքին» հաջողվել է պարզել, թե ով է տարիներ առաջ Հայաստան ներկրված 2 բիոզուգարանների «պատասխանատուն»: Հիշեցնենք՝ դրանց ձեռք բերման համար պետական բյուջեից հատկացվել էր 124 մլն դրամ (մոտ 340 հազար դոլար):

Բիոզուգարաններ ունենալու գաղափարը Էկոնոմիկայի նախարար Ներսես Երիցյանինն է: Ընդհանրապես, նրա պաշտոնավարման տարիներին նմանատիպ բազմաթիվ գաղափարներ են «փորձարկվել» ու ձախողվել: Պարզապես այս մեկը այնքան խայտառակ ձեւով է իրականացվել, որ դարձել է նրա պաշտոնանկության պատճառը: Չգիտես ինչու՝ իշխանությունները սա այսքան գաղտնի են պահում: Բայց իշխանությունները կարող էին, չէ՞, պատժել նախարարին՝ նրա բանկային հաշվից վերցնելով այնքան գումար, որքան նա ծախսել է իր «հանճարեղ» գաղափարն իրականացնելու համար: Իսկ ամենամեծ պատիժը, որ արժե կիրառել եւ, կարծում ենք, դեռ ուշ չէ՝ պարտադրել Ներսես Երիցյանին երեք տարի անձամբ աշխատեցնել բիոզուգարանները: Եթե չեմ սխալվում, հենց այդքան է բիոզուգարանի երաշխիքային ժամկետը:

Իսկ թե ինչ նոր գաղափարներ է իրականացնում այժմ արդեն Կենտրոնական բանկի նախագահի տեղեկալ Ներսես Երիցյանը՝ մի օր երեւի հայտնի կդառնա: Ու երբ հայտնի դառնա, նրան կտեղափոխեն այլ աշխատանքի:

Մեկնաբանություններ (2)

Emma
Հարգելի Լևոն Հայրապետյան և hetq.am, Նախ, կուզենայի հակիրճ բացատրել իրավիճակը. Այո, բիոզուգարաններ ունենալու գաղափարը պատկանում է Ներսես Երիցյանին, սակայն ոչ որպես առանձին գաղափար, այլ որպես մեծ ծրագրի մաս, ծրագիր, որն ունի բիզնես պլան, որտեղ մանրամասն հաշվարկված են բոլոր ծախսերը, համաձայն որի պետության կատարած բոլոր ծախսերը կարճ ժամանակահատվածում վերադարձվելու են, ավելին, ապահովվելու են եկամուտներ: Չնայած ծրագիրը հաստատվել է ՀՀ կառավարության կողմից, այս պահի դրությամբ դրա միայն մի փոքր մասն է իրականացվել, ձեռք է բերվել 2 բիոզուգարան: Ամբողջ ծավալով ծրագիրն իրականացվելու դեպքում սա կդիտարկվի ոչ թե անարդյունավետ ծախս, այլ լուրջ բիզնես ծրագիր, որը կապահովի եկամուտներ և կնպաստի տուրիզմի զարգացմանը մեր երկրում: Ն. Երիցյանը չի կարող անձամբ շարունակել ծրագրի իրականացումը, քանի որ ի պաշտոնե այժմ ՀՀ էկոնոմիկայի նախարար չէ: Ինչ վերաբերում է բազմաթիվ ծրագրեր ՞փորձարկելուն ու ձախողելուն՞, խնդրում եմ նշեք կոնկրետ որ ծրագրերն են ձախողվել, որպեսզի հնարավոր լինի անդրադառնալ նաև դրանց: Մի խնդրանք ևս. պետք չէ անհիմն վարկաբեկել գոնե այն եզակի պաշտոնյաներին, որոնք օր ու գիշեր աշխատել ու աշխատում են, որպեսզի մեր երկիրը զարգացում ապրի՝ երբևէ չունենալով որևէ կողմնակի եկամուտ:
sahak
թող Ներսես Երիցյանի հաշվից պետբյուջե փոխանցեն համապատասխան գումարը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter