HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Էդիկ Բաղդասարյան

Մեկ հարց Գերագույն գլխավոր հրամանատարին

Երկիր Նաիրին հառել է աչքերն ու անթարթ հետեւում է այս շարունակվող պարտության ընթացքին: Ո՞վ է բերել մեզ կանգնեցրել այս վիհի եզրին ու այսպես ծաղրում, ե՞րբ հասցրեցինք դառնալ այսչափ անհայրենիք:

Այսօր ընկերներիցս մեկը հեռախոսով ինձ հարցնում է. «Ասա մի պատճառ, որի համար ես պիտի ապրեմ»: Ես, որ արդեն դժվարանում եմ պատերազմի մասնակիցներին որեւէ բան բացատրել, միանգամից բերանիցս թռցրի՝ մեռնելու համար պիտի ապրես, ուրիշ բան չկա: Այս անհեթեթ պատասխանը կեսօրից հետո գլխիցս դուրս չի գալիս: Ընկերս մի քանի հարց էլ տվեց, երկար խոսեց ու հետո ասաց. «Սրա մասին մի բան գրի ու էդ հարցերը «Գերագույնին» էլ տուր»:  

«Գերագույնը» ՀՀ զինված ուժերի Գերագույն գլխավոր հրամանատար Սերժ Սարգսյանն է: Պատերազմում կես մարդ դարձած ընկերս հոգնել է ապրելուց: «Արդեն լրիվ եմ հոգնել, չեմ իմանում՝ ինչի պիտի ապրեմ: Երեխեքիս եմ տանջում: Եթե մի քիչ էլ էսպես շարունակվի, մեռնելու ձեւերի մեջ էլ ընտրություն անելու հնարավորություն չեմ ունենալու»:

Հետո էլի հարցեր տվեց, ու ես այդ անհեթեթ պատասխանը տվեցի: Հիմա նստած ընկերոջս հետ ունեցած խոսակցությունն եմ վերհիշում, արդեն մենակ:

Հիմա գանք Գերագույնին ուղղվելիք հարցերին: Ընկերոջս հունից հանել էր Սուրիկ Խաչատրյանի տղայի ազատ արձակման պատմությունը: Մինչ այդ նա ինձ հիշեցնում էր Սուրիկ Խաչատրյանի՝ ազատագրված տարածքներում իրականացրած թալանի «օպերացիաները». ոռոգման ու խմելու ջրատարների խողովակները, դպրոցների պանելները, տների տանիքները եւ տասնյակ նման պատմություններ…Ես, իհարկե, այդ ամենը գիտեմ, բայց ստիպված եմ լսել, որովհետեւ անհանգստանում եմ գլխից վիրավոր ընկերոջս համար: Նա հարցնում է Գերագույն հրամանատարին՝ որտեղի՞ց Սուրիկ Խաչատրյանին հարյուր միլիոն դոլարի կարողություն:

Ես չգիտեմ՝ որտեղից է ընկերս վերցրել այդ թիվը, չհարցրի էլ: Բայց հիմա նստած հաշվում եմ Սուրիկ Խաչատրյանի կարողությունը: Մոտավոր հաշվարկով՝ հարյուր միլիոնից ավելի է: Մի հանքավայր նա մի քանի ամիս առաջ 20 միլիարդ դրամով վաճառել է Մաքսիմ Հակոբյանին: Ճիշտ է՝ Մաքսիմ Հակոբյանը հիմա հասկացել է, որ նախկին մարզպետը խաբել է իրեն: Հանքավայրի պաշարների ծավալը չափազանցված է եղել, ու հիմա լուրջ խնդիրներ ունեն այս երկու սյունեցիները:

Սուրիկ Խաչատրյանը եւս երկու հանքավայր ունի Սյունիքում, մի քանի հէկերում բաժնետեր է:

Իսկ ընկերս ընդամենը մի թոշակ է ստանում, որով անգամ իր դեղերը չի կարողանում գնել, երեխաների համար բեռ է դարձել ու դրանից ազատվելու մասին է մտածում: Հիմա ընկերոջս տված բոլոր հարցերը մի կողմ եմ դնում եւ Զինված ուժերի  Գերագույն գլխավոր հրամանատար Սերժ Սարգսյանին մի հարց եմ տալիս՝ այս պատերազմին մասնակցած սովորական զինվորները, բոլորը միասին վերցրած, մի Սուրիկ Խաչատրյան չարժե՞ն:

Ու այսպես, այսքան անհոգ ու թեթեւ հրամանատար Արտակ Բուդաղյանին պիտի հանձնի՞ Գերագույն գլխավոր հրամանատարը: Բա նրա զորքին ի՞նչ պատասխան պիտի տա: Թե՞ զորքն էլ ցրելու է հանուն հանրապետական Սուրիկ Խաչատրյանի:  

Մեկնաբանություններ (7)

Արմինե
Մի քանի հարց ևս. http://www.youtube.com/watch?feature=player_embedded&v=1ct8H4DrZSQ
Համեստ
գլխավոր հրամանատարի և իր իսկ ստեղծած բանդայի անզուսպ հագուրդի հետևանքն է այա ամենը: Ազատամարտիկ - հայրենասերը տեղ չունի այս երկրում,
hasmik
inchu miajn azatamartiki, baci bandajic, es erkrum voch voq chi karox aprel
Ուրվական
Արդեն բոլորի համար կարծում եմ պարզ է, որ լիսկան էդ երկրի համա-նախագահն է, հետևաբար այդ հարցադրումներն ուղղված են նրան...
Garik
Shat ankeghts emotsional hodvatse. Ughaki chmorananaq vor geraguyn hramanatarn ir yentakanerov (liska yev ailn) ail arjeqayin hamakargumen aprum yev yerevi miain qmtsitsaghov motenum aispisi ankeghts hartsadrumnerin. Petqe ughaki mtatsel u gtnel yelq or araj azatvelu anbaroyakan ishkhanutyunnerits.
Armine
inchqan bnakan u ankexc ek grum, kardum em u mtacum vor espisi ankexcutyan hamar arje aprel...dzer ynkerojn el asek
sevak
ԿԵՑՑԵ ՇԱԽՄԱՏԻ ՁԻՆ

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter