Վաղը` հոկտեմբերի 8-ին, ժամը 16։30 -ին ՀՀ գլխավոր դատախազության շենքի դիմաց տեղի կունենա պիկետ` ի պաշտպանություն Քեմբրիջի շրջանավարտ Արամ Մուղալյանի և նրա ընկերների:

Հոկտեմբերի 7-ին Արմավիրի մարզի ընդհանուր իրավասության դատարանը, դատավոր Վ.Խալաթյանի նախագահությամբ, մերժեց Արամ Մուղալյանի և Ռոբերտ Փիլոյանի խափանման միջոց կալանքը փոխելու միջնորդությունները: Արամ Մուղալյանը, Ռոբերտ Փիլոյանը և Գագիկ Առաքելյանը 5 ամսից ավելի է` գտնվում են կալանքի տակ խոտի դեզ վառելու փորձ կատարելու և 36 հազար դրամի վնաս հասցնելու համար: