Տեսանյութեր
Լուսանկարներ
Նալբանդյանն ու Լավրովը քննարկել են Պուտինի այցը Հայաստան
Երեկ մեկօրյա աշխատանքային այցով Մոսկվա է մեկնել արտգործնախարար Էդվարդ Նալբանդյանը, ով հանդիպում է ունեցել իր ռուսաստանցի գործընկեր Սերգեյ Լավրովի հետ։
Նախարարները քննարկել են Եվրասիական տարածաշրջանում ինտեգրացիոն գործընթացները, Մաքսային միությանը Հայաստանի անդամակցության ուղղությամբ տարվող նախապատրաստական աշխատանքները։
Հանդիպման ընթացքում խոսվել է նաեւ երկկողմ նոր պայմանագրերի համաձայնեցման գործընթացի մասին, որոնք նախատեսվում է ստորագրել բարձր մակարդակով առաջիկա հանդիպման ընթացքում:
Բանակցությունների օրակարգում է եղել ռազմաքաղաքական և ռազմատեխնիկական համագործակցությունը, որն ուղղված է Հարավային Կովկասի տարածաշրջանում անվտանգության ամրապնդմանը։
Հանդիպման ընթացքում նախարարները մտքեր փոխանակեցին ղարաբաղյան հիմնահարցի կարգավորման գործընթացի վերաբերյալ: Երկուստեք կարևորվեց նոյեմբերի 19-ին Վիեննայում Հայաստանի և Ադրբեջանի նախագահների հանդիպման անցկացումը։
Հայտնում են Արտաքին գործերի նախարարությունից:
Մեկնաբանել