Անթրաշ, անլվա, անխնամ,
երբեւէ չսիրված մարմնով
մարմինների արանքը խցկվող
համատեղ երթի, դոփյունի,
միասնական ուժի մեջ
վախը խեղդելու համար,
հացադուլներից ու
հոգեւոր սննդի չարաշահումից
շարքից դուրս եկած
աղեստամոքսային տրակտով,
անատամ, փրփրած բերանով
աղաղակող, գայթող, ցնցվող,
գենետիկ հիշողության կորստով,
մտավոր թերզարգացմամբ,
դաշտանային ցիկլի խանգարումներով,
հիրսուտիզմով եւ հերսոտությամբ,
հիվանդության կնիքը՝ վերջույթներին
եւ խելագար հայացքի մեջ,
որտեղ շառաչ է եւ ցասում,
անփարատելի վախ,
փշրվող ատամների կրճտոց։

Բուն TV