Ոստիկանները փակել են Հյուսիսային պողոտան 

 Այսօր` 16:00-ի սահմաններից մինչև 17:30-ը Հյուսիսային պողոտայում` Պուշկին տանող ճանապարհի վրա մի խումբ ոստիկաններ փակել էին ճանապարհը: Քաղաքացիները ստիպված էին շրջանցել ոստիականական պատը` ճանապարհը շարուանկելու համար: Ներկա ոստիակններից մեկը հայտեց, որ ծառայողական անհրաժեշտությունից ելնելով են փակել ճանապարհը: Այլ պարզաբանումներ ստանալ ոստիակններից չհաջողվեց: Երբ ոստիկանները տեսան, որ նկարահանում է կատարվում` փորձեին արգելել` նշելով, որ մենք «օպերատիվ ինֆորմացիային իրավունք չունեք տիրապետելու»:

«Գործը պետք է թողվի, ձեր հարցին պատասխանի՞» - նշեց ոստիակններից մեկը:

Այնուհետև մի ոստիկան դիմեց հավաքված լրագրողներին, ովքեր փորձում էին պարզաբանում ստանալ ստեղծված իրավիճակի կապակցությամբ.

«Խնդիր չստեղծեք, խնդիր ստեղծեք` պրոբլեմ կունենաք: … կտանեն ցույց կտան»:

«Պաշարվածների» մեջ էր նաև «Ժառանգության» ներկայացուցիչ Արմեն Մարիտրոսյանը, ով համոզված էր, որ ոստիկանների այս քայլն իր դեմ է ուղղված:

«Երևի մտածում են, որ մենակով պետք է Բաղրամյան 26-ը գրավեմ», - ասում էր Ա. Մարիտիրոսյանը` հավելելով, որ տեղիք չի տալու ոստիակնների «պրովոկացիաներին»:

Նա նշեց, որ չի պատրաստվում այլ ճանապարհներով շարունակել իր ուղին, քանի որ եթե իր ճանապարհը այդտեղով է անցնում և իրեն չեն թողնում անցնել, ապա կսպասի այնքան ժամանակ, մինչև ոստիականական պատը բացվի:

Ա. Մարտիրոսյանը նշեց, որ մոտակայքում ոստիկանները նույն կերպ փակել են նաև պատգամավոր Զարուհի Փոստանջյանի ճանապարհը: Մոտ մեկ ժամ անց ՀՀ դրոշը ձեռքին եկավ և Ա. Մարտիրոսյանին միացավ Զ. Փոստանջյանը:

Նա նշեց, որ իրենց ճանապարհը փակել էին Բուզանդի փողոցի վրա` առանց պարզաբանում տալու: Այն հարցին, թե ինչն է ճանապարհը փակելու պատճառը, Զ. Փոստանջյանը պատասխանեց. «Երևի պետք է գուբերնատորին հարցնել` Սերժ Սարգսյանին: Իր պաշտոնը գուբերնատորն է, որը ստանձնել է ՌԴ-ի կողմից` Հայաստանում ներակայնալու»:  

Այնուհետև Զ. Փոստանջյանն ու Ա. Մարտիրոսյանը սկսեցին հեգնական երկխոսությունը` ստեղծված իրավիճակի վերաբերյալ:

-Պարոն Մարտիրոսյան, դուք ի՞նչ վտանգ ենք ներկայացնում պարոն Պուտինի համար:

-Պարոն Պուտինի համար չգիտեմ, բայց ՀՀ իշխանությունների համար շատ մեծ վտանգ:

-ՌԴ նախագահի գալու կապկցությամբ հատուկ անվտանգության միջոցառումների շրջանակում են մեր տեղաշարժի իրավունքը սահամանփակել: Կարո՞ղ եք պարզաբանել՝ ինչու է ձեզանից վախենում պարոն Պուտինը:

-Հաստատ ինքը չի վախենում, Հայաստանի իշխանություններն են վախենում:

-Ո՞ր իշխանությունները, Պուտինի ներկայացվա՞ծ;

-ՀՀ դե ֆակտո իշխանությունները՞:

-Գուբերնատո՞րն է վախենում: Իսկ գուբերնատորին ի՞նչ եք արել, որ այդպես վախենում է ձեզանից:

-Ես բարի մարդ եմ: