Ազատության հրապարակից այսօր մեկնարկեց մարդու իրավունքների պաշտպանության միջազգային օրվան նվիրված երթը:

Երթին մասնակցում էին տարբեր քաղաքական ուժերի, քաղաքացիական շարժումների, հասարակական կազմակերպությունների ներկայացուցիչներ, այլ քաղաքացիներ:

Այս օրը որպես տոն` նշվում է աշխարհի բազմաթիվ խոշոր քաղաքներում. Հայաստանի մայրաքաղաքը նույնպես բացառություն չէր:

Ոստիկանությունը, կարծես թե այդ առիթով, երթի մասնակից քաղաքացիների համար «տոնական զեղչեր» արեց` թույլ տալով նրանց բացի մայթից քայլել նաև փողոցներով, որոնք, սովորաբար, փակվում են այլ երթերի, քաղաքացիական անհնազանդության դրսևորումների ժամանակ: Ոստիկանության կողմից խաղաղ երթի մասնակից ոչ մի քաղաքացի բերման չենթարկվեց:

Երթն ավարտվեց այնտեղ, որտեղ սկսվել էր` Ազատության հրապարակում: