«Մենք եկել ենք հեռավոր Լապլանդիայից` տեղեկացնելու, որ 2014 թվականիից ձեր աշխատավարձերը նվազելու են 6,6-13%-ով»,- այսպիսի կեսկատակ-կեսլուրջ կոչերով այսօր մի խումբ Ձմեռ պապեր Ազատության հրապարակից քայլարշավ սկսեցին Երևանի կենտրոնական փողոցներով:

Ամանորյա խորհրդանշական հանդերձանքով «պապերը» մեծահասակ անցորդներին թռուցիկներ էին բաժանում, երեխաներին` կոնֆետներ:

Կարմիր զգեստների և բեղմորուսի տակ «թաքնված» էին  «Ընդդեմ կենսաթոշակային պարտադիր 5% վճարին» քաղաքացիական նախաձեռնության անդամները, ովքեր վերջին շրջանում իրենց զանազան ակցիաներով ակտիվորեն իրազեկում են հանրությանը, որ 2014 թ. հունվարի 1-ից շատերիս աշխատավարձը զգալիորեն նվազելու է: