Տեսանյութեր
Լուսանկարներ
Խաչիկ Հարությունյան. «Մենք վեհանձն ենք, մասնավորապես Արթուր Բաղդասարյանը»
Այսօր ՀԱԿ-իշխանություն երկխսությանն անրադարձավ նաև ԱԺ ՕԵԿ խմբակցության պատգամավոր, իշխանության պատվիրակության անդամ Խաչիկ Հարությունյանը:
Երկխոսության առաջին հանդիպումը նա գնահատեց շատ դրական և համարեց ստացված՝ չնայած, որ հանդիպման սկզբում երկու կողմերի սպասելիքներն էլ շատ քիչ էին:
Ըստ նրա` ժամանակն է, որ իշխանության և ընդդիմության հակամարտությունը լուծվի ոչ թե բախումների, այլ բանակցությունների միջոցով: Ձևավորվում է մի նոր ավանդույթ, որի դրական արդյունքների դեպքում կլինեն նաև դրական զարգացումներ: Իսկ մյուս հանդիպմանը կփորձեն ձևավորել օրակարգ:
Հարությունյանի խոսքերով` առաջին իսկ հանդիպամն ժամանակ ՀԱԿ-ը բարձրցերել է շատ սուր հարցեր, և իրենք պատրաստ են բոլորը քննարկել, այդ թվում և արտահերթ ընտրությունների հարցը:
«Մենք գտնում ենք, որ արտահերթ ընտրությունների համար բավարար և իրավական, և քաղաքական հիմքեր այսօր Հայաստանում չկան», - նշեց բանախոսը:
Ըստ նրա` որքան շատ լինեն իշխանության և ընդդիմության միջև քննարկումները, հարցերն այնքան ավելի շուտ կլուծվեն. «Փողոցային քաղաքականությունը պետք է տեղափոխել սեղանների շուրջ»:
Խ. Հարությունյանի խոսքերով` ընդդիմության, մասնավորապես «Ժառանգության» և «ՀՅԴ»-ի հետ երկխոսություն միշտ էլ եղել է, իսկ այս ձևաչափն ընտրված է կոնկրետ ՀԱԿ-ի համար: Նպատակը` ունենալ դրական արդյունքներ:
Անրադառնալով ՀԱԿ-ի և ՕԵԿ-ի միջև առկա հակամարտությանը և միմյանց հասցեին հնչած վիրավորանքներին ու պիտակավորումներին` Հարությունյանն ասաց, որ իրենց համար հիմա ավելի կարևոր է ունենալ կայուն ներքին քաղաքական կյանք և խաղաղություն:
«Մենք, և մասնավորապես` Արթուր Բաղդասարյանը, չենք իջնում այդ մակարդակին և չենք մանրանում ուղղակի: Մենք վեհանձն ենք տվյալ դեպքում, մասնավորապես Արթուր Բաղդասարյանը», - հավելեց Խ. Հարությունյանը:
Ըստ նրա`այն ժամանակ Արթուր Բաղդասարյանն ասում էր այն, ինչ այսօր ասում է Լևոն Տեր-Պետրոսյանը. հեռու պահել երկիրը ցնցումներից: Եվ ՕԵԿ-ը ողջունում է այդ քայլը` «լավ է ուշ, քան երբեք»: Ու եթե Լևոն Տեր-Պետրոսյանը ժամանակին քաղաքական պայքարը հրապարակից տեղափոխեր բանակցությունների սեղան, ապա Մարտի 1-ը չէր լինի:
Հարությունյանի կարծիքով` ՀԱԿ-ը սեփականշնորհել է ընդդիմության դաշտը և կարծում է, որ իրական ընդդիմությունը միայն ինքն է, չնայած որ մյուս ընդդիմադիր կուսակցությունները ևս ունեն իրենց դերը: Միաժամանակ, նա կասկածի տակ առավ ՀԱԿ-ի ներսում առկա կուսակցությունների քանակն ու գոյությունը:
Նա նաև թյուր համարեց այն կարծիքը, որ ՀԱԿ-ը կարող է մտնել խորհրդարան ՕԵԿ-ի հաշվին: Հարությունյանը հավեց, որ ՕԵԿ-ը միշտ կարողացել է դիմակայել քաղաքական ճնշումներին, նրան ոչնչացնել հնարվոր չէ, և ընտրությունների ժամանակ իրենք կհաղթահարեն 5 % ձայների հավաքագրման սահմանը:
«Ընտրությունները լինեն, կտեսնեք, թե մեր ներկայությունն ինչպիսին է լինելու», - նշեց Խ. Հարությունյանը:
Նրա խոսքերով` ՀԱԿ-ն ունի իր ընտրազանգվածը և մեծ հնարավորություններ` հայտնվելու խորհրդարանում, բայց ոչ ՕԵԿ-ի հաշվին:
Մեկնաբանություններ (2)
Մեկնաբանել